These AP 9th Class Social Important Questions 5th Lesson జీవావరణం will help students prepare well for the exams.

AP Board 9th Class Social 5th Lesson Important Questions and Answers జీవావరణం

9th Class Social 5th Lesson 1 Mark Important Questions and Answers in Telugu Medium

ప్రశ్న 1.
ఆహారపు గొలుసు అనగానేమి?
జవాబు:
ఒక రకమైన జీవరూపం మరొకదానికి ఆహారం అవుతుంది. దీనినే ‘ఆహారపు గొలుసు’ అంటారు.

ప్రశ్న 2.
మొక్కలు తయారు చేసిన ఆహారాన్ని తినే జంతువులు ఏవి?
జవాబు:
మొక్కలు తయారుచేసిన ఆహారాన్ని ‘శాకాహారులు’ అని పిలిచే జింక, ఆవు, మేక, ఏనుగు వంటి గడ్డి తినే జంతువులు తింటాయి.

ప్రశ్న 3.
మాంసాహార జంతువులు అనగానేమి?
జవాబు:
శాకాహార జంతువులను తినే వాటిని మాంసాహార జంతువులంటారు. కుక్క, పిల్లి, డేగ, పులి, సింహం మొ||నవి ఉదాహరణలు.

AP 9th Class Social Important Questions Chapter 5 జీవావరణం

ప్రశ్న 4.
సహజ వృక్షజాలాన్ని ఎన్ని వర్గాలుగా విభజిస్తారు? అవి ఏవి?
జవాబు:
సహజ వృక్ష జాలాన్ని ప్రధానంగా మూడు వర్గాలుగా విభజిస్తారు.

  1. తగినంత వర్షపాతం, ఎండ ప్రాంతాల్లో అడవులు
  2. ఒక మాదిరి వర్షాలు పడే ప్రాంతాలలో గడ్డిభూములు
  3. శుష్క ప్రాంతాలలో పొదలు.

ప్రశ్న 5.
టండ్రా వృక్షజాలం అనగానేమి?
జవాబు:
బాగా చలిగా ఉండే ప్రాంతాలలో పెరిగే నాచు, లిచెన్, చిన్న పొదలతో కూడిన మొక్కలను టండ్రా వృక్షజాలం అంటారు.

ప్రశ్న 6.
మధ్యధరా వృక్షజాలానికి ఆ పేరు ఎలా వచ్చింది?
జవాబు:
ఇవి మధ్యధరా సముద్రం చుట్టూ యూరప్, ఆఫ్రికా, ఆసియాలలో కనబడతాయి. కాబట్టి వీటికి మధ్యధరా వృక్షజాలం అని పేరు వచ్చింది.

ప్రశ్న 7.
టైగా అంటే ఏమిటి?
జవాబు:
ఉత్తరార్ధ గోళంలో 50 నుంచి 70° అక్షాంశాల మధ్య అద్భుతమైన శృంగాకారపు అడవులు కనపడతాయి. వీటిని ‘టైగా’ అని కూడా అంటారు.

ప్రశ్న 8.
స్టెప్పీలు అనగానేమి?
జవాబు:
ఈ సమశీతోష్ణ మండల గడ్డి భూములను ‘స్టెప్పీలు’ అంటారు. ఇక్కడి గడ్డి కురచగా ఉంటుంది.

ప్రశ్న 9.
ఏ రకమైన వృక్షజాలాన్ని టండ్రా వృక్షజాలం’ అంటారు?
జవాబు:
ధృవ ప్రాంతంలో వృక్షజాలం తక్కువ. నాచు, లిచెన్, చిన్న చిన్న పొదలు’ వంటివి ఇక్కడ ఉంటాయి. ఈ రకమైన వృక్షజాలాన్ని ‘టండ్రా వృక్షజాలం’ అంటారు.

ప్రశ్న 10.
శిలాజ ఇంధనాలు వేటిని అంటారు?
జవాబు:
లక్షల సం||రాల క్రితం అడవులు భూమిలోపలికి తిరగబడటం వల్ల బొగ్గు, చమురులు ఏర్పడ్డాయి. అందుకే వీటిని ‘శిలాజ ఇంధనాలు’ అంటారు.

ప్రశ్న 11.
శిలాజ ఇంధనాలను ఉపయోగిస్తే విడుదలగు రసాయనాలు ఏవి?
జవాబు:
శిలాజ ఇంధనాలు ఉపయోగించటం వల్ల బొగ్గుపులుసు వాయువుతో పాటు నైట్రోజన్ ఆక్సెడ్, సల్ఫర్ డై ఆక్సైడ్, ఆవిరైపోయే కర్బన మూలకాలు, భారలోహాలు వంటి ఇతర రసాయనాలు విడుదలవుతాయి.

ప్రశ్న 12.
ఆమ్లవర్షం అని దేనిని అంటారు?
జవాబు:
వాతావరణంలోని ఆమ్ల రేణువులు వర్ష బిందువులతో కలిసినప్పుడు వాన నీటిలో ఆమ్లశాతం పెరుగుతుంది. దీనినే ఆమ్ల వర్షం అంటారు.

ప్రశ్న 13.
‘ప్రపంచం వేడెక్కటం’ అనగానేమి?
జవాబు:
వివిధ రకాల కాలుష్యాల వలన – పర్యావరణం విషపూరితం అవుతుంది. ప్రపంచవ్యాప్తంగా శీతోష్ణస్థితులు మారుతాయి. దీనినే ‘ప్రపంచం వేడెక్కటం’ (Global warming) అంటారు.

AP 9th Class Social Important Questions Chapter 5 జీవావరణం

ప్రశ్న 14.
“భూగోళం వేడెక్కడానికి” గల ఏవేని రెండు కారణాలను రాయండి.
జవాబు:

  1. అడవుల నిర్మూలన, శిలాజ ఇంధన వినియోగం.
  2. పరిశ్రమల నుండి విడుదల చేసే వివిధ రకాల కాలుష్యకారకమైన వాయువులు.

ప్రశ్న 15.
పర్యావరణ కాలుష్య నివారణపై ప్రజలకు అవగాహన కల్గించడానికి చేపట్టదగిన ఏవైనా రెండు కార్యక్రమాలను రాయండి.
జవాబు:

  1. గ్రామాలలో మరియు పట్టణాలలో డాక్యుమెంటరీ చిత్ర ప్రదర్శన ద్వారా కాలుష్యం ఎలా పెరుగుతుంది మరియు ఎలా అరికట్టాలి అనేది తెలియచేయాలి.
  2. జానపద పాటలు, మరియు నాటకాల ద్వారా పర్యావరణం మనకు ఎంత అవసరమో మరియు దానిని ఎలా పరిరక్షించాలో తెలియచేయాలి.

ప్రశ్న 16.
అటవీ సంరక్షణ మీద నినాదాలు రాయండి.
జవాబు:
అటవీ సంరక్షణ మీద నినాదాలు :

  1. వృక్షో రక్షతి రక్షితః
  2. మొక్కలను కాపాడండి – అవి మన ప్రాణాలను కాపాడుతాయి.

9th Class Social 5th Lesson 4 Marks Important Questions and Answers in Telugu Medium

ప్రశ్న 1.
గాలి, నీరు, నేలలో విషపూరితమైన పదార్థాలు కలవటం వలన జీవావరణ సంక్షోభానికి దారితీస్తుంది. దీని నివారణకు విద్యార్థిగా మీరు సూచించే పరిష్కార మార్గాలు తెలపండి.
జవాబు:
గాలి కాలుష్యం – నివారణ చర్యలు :

  1. గాలిలో ఉన్న మరియు పెరుగుతున్న కాలుష్యాన్ని తగ్గించాలంటే మనం తక్కువ దూరాలకు నడిచి కాని, సైకిల్ ద్వారా కాని, మరియు ప్రభుత్వ రవాణా సదుపాయాల ద్వారా కాని చేరుకోవాలి.
  2. ఎక్కువగా మొక్కలను పెంచాలి.
  3. రైతులు పొలంలో మిగిలిన వ్యర్థ పదార్థాలను తగులు పెట్టకుండా వాటిని వేరే విధంగా ఉపయోగించాలి.
  4. పరిశ్రమలలో కూడా కాలుష్య నియంత్రణ చేసే యంత్రాలను వాడేవారికి మాత్రమే అనుమతి ఇవ్వాలి.

నీటి కాలుష్యం – నివారణ చర్యలు :

  1. పరిశ్రమలలోని వ్యర్థాలను చెరువులు, నదులు, సముద్రాలలోనికి వదలకుండా గట్టి చర్యలు తీసుకోవాలి.
  2. రైతులు సేంద్రియ ఎరువులను ఎక్కువగా వినియోగించాలి.

నేల కాలుష్యం – నివారణ చర్యలు :

  1. రైతులు రసాయన ఎరువులను వాడటం వలన నేల కలుషితం అయి సారాన్ని కోల్పోతుంది.
  2. కావున వారు రసాయన ఎరువుల వాడకాన్ని చాలావరకు తగ్గించాలి.

ప్రశ్న 2.
AP 9th Class Social Important Questions Chapter 5 జీవావరణం 1
పట్టికను పరిశీలించి క్రింది ప్రశ్నలకు జవాబులు రాయండి.
ఎ. భారతదేశంలో అధికభాగం ఏ రకమైన అడవులు విస్తరించి ఉన్నాయి?
బి. హిమాలయాలలోని అడవుల రకం ఏవి?
సి. ఉష్ణమండల సతత హరిత అడవులలో పెరిగే చెట్లు ఏవి?
డి. టేకు, వేప లాంటి చెట్లు ఏ రకమైన అడవులలో పెరుగుతాయి?
జవాబు:
ఎ. భారతదేశంలో అధికభాగం ఉష్ణమండల ఆకురాల్చే అడవులు ఉన్నాయి.
బి. భారతదేశంలోని హిమాలయాలలో శృంగాకారపు అడవులు ఉన్నాయి.
సి. ఉష్ణమండల సతత హరిత అడవులలో పెరిగే చెట్లు, రోజ్ వుడ్, ఎబోని, మహాగని, గట్టి కలపనిచ్చే చెట్లు.
డి. టేకు, వేప లాంటి చెట్లు ఉష్ణమండల ఆకురాల్చే అడవులలో పెరుగుతాయి.